Friday, May 28, 2010

നീലേശ്വരത്ത് നിന്നും..........

കുറിപ്പുകളുടെ തുടക്കം നീലേശ്വരത്ത് നിന്നാണ്... നീലേശ്വരമെന്നാല്‍ കാസര്‍ഗോഡ്‌ ജില്ലയിലെ തെക്കന്‍ പ്രദേശം. നിറഞ്ഞൊഴുകുന്ന പുഴകളും തെങ്ങുകളും കൊണ്ട് സുന്ദരമായ ഒരിടം..... തെയ്യങ്ങളുടെയും നരയന്‍ പൂക്കളുടെയും നാട്.... കാവ്യ മാധവന്‍റെ സ്വന്തം സ്ഥലം... അവിടെ നിന്നും മുപ്പതു കിലോമീറ്റര്‍ കിഴക്കോട്ടു പോയാല്‍ കാടിനോട്‌ ചേര്‍ന്നൊരു സ്ഥലം..... "ഭീമനടി"..... കിടിലന്‍ പേര് അല്ലേ...? പണ്ടെങ്ങാനും ഭീമന്‍ വഴി വന്നിരുന്നോ ആവോ....! അതെന്തോ ആയിക്കൊള്ളട്ടെ.... സ്ഥലം ഒരുഗ്രന്‍ സ്ഥലം തന്നെ..... കര്‍ണാടക അതിര്‍ത്തിയിലേക്ക് ഇവിടെ നിന്നും ഇരുപതു കിലോമീറ്റര്‍ ദൂരം മാത്രം.... വളഞ്ഞു പുളഞ്ഞൊഴുകുന്ന ചൈത്ര വാഹിനി പുഴയുടെ ഓരം ചേര്‍ന്ന് പോകുന്ന റോഡ്‌....... ചിലയിടങ്ങളില്‍ പേടിപെടുത്തുന്ന വന്‍ കുഴികള്‍... കൊക്കകള്‍....

ഭീമനടിയില്‍ മുഴുവന്‍ കോട്ടയം, പാല തുടങ്ങിയ സ്ഥലങ്ങളില്‍ നിന്നും കുടിയേറി താമസിക്കുന്ന കര്‍ഷകരാണ്... അതുകൊണ്ടു തന്നെ എല്ലാത്തിനും ഒരു കോട്ടയം ചുവ.... സമ്പര്‍ക്കം കൊണ്ട്‌ ഇവിടത്തു കാരുടെ ഭാഷയും (ഫാഷയും) അങ്ങിനെ തന്നെ ആയിരിക്കുന്നു.... അതിനിടയിലും ആടെ, ഈടെ, ഓടെ, എന്നൊക്കെ പറയുന്ന തനി നാട്ടിന്‍ പുറത്തുകാരെയും കാണാം... അതെടുതിട്ടു ചാടിക്കോ എന്ന് പലരും എന്നോട് പറയാറുണ്ട്.... ചാടാന്‍ പോയാല്‍ കുടുങ്ങിയത് തന്നെ.... ചാടുക എന്നാല്‍ കളയുക എന്നര്‍ത്ഥം.

ഭീമനടിയില്‍ രാവിലെ തൊട്ടു മീന്‍ കറി സുലഭം... ദോശക്കും ചപ്പാത്തിക്കും കപ്പക്കും, എന്തിനു ഉപ്പുമാവിന് വരെ മീന്‍ കറി കിട്ടും... പിന്നെ, പപ്പടം ഇവിടെ കണി കാണാന്‍ കിട്ടില്ല.... അതിനു പകരം രണ്ട് വറുത്ത മീന്‍.....!എങ്ങനുണ്ട്...?

ഇവിടുത്തെ രാത്രികള്‍ സുന്ദരങ്ങളാണ്...... ഏഴു മണി കഴിഞ്ഞാല്‍ വാഹനങ്ങള്‍ കുറവായത് കൊണ്ട്‌ രാത്രികള്‍ എപ്പോഴും നിശബ്ദം...... മഴ പെയ്തു തോര്‍ന്ന രാത്രികളില്‍ ചുറ്റിലും നിറയെ മിന്നാമിന്നികള്‍..... ചിലപ്പോള്‍ സുന്ദരമായ നിലാവ്..... ഒന്നു പതിയെ കാതോര്‍ത്താല്‍ ചൈത്ര വാഹിനി പുഴ ഒഴുകുന്ന ശബ്ദം കേള്‍ക്കാം..... ഉത്സവ നാളുകളിലെ രാത്രികളില്‍ അകലെ നിന്നും ഉയരുന്ന ചെണ്ടയുടെ നാദം ഉയരും.... തെയ്യങ്ങള്‍ ആടി തിമിര്‍ക്കുകയാണ്..... പലതരം തെയ്യങ്ങള്‍.... മുത്തപ്പന്‍ തെയ്യം, ചാമുണ്ടി തെയ്യം, ഗുളികന്‍ തെയ്യം, പൊട്ടന്‍ തെയ്യം, പരദേവത തെയ്യം, വിഷ്ണു മൂര്‍ത്തി തെയ്യം, തീയില്‍ ചാടുന്ന തെയ്യം.... അങ്ങിനെ പലതരം തെയ്യങ്ങള്‍.......

അങ്ങിനെ പോകുന്നു ഇവിടത്തെ ദിനങ്ങള്‍....... ഇന്നത്തെ എന്‍റെ ചിന്തകളും വിചാരങ്ങളും ഇങ്ങനെ എഴുതാനാണ് എന്നെ പ്രേരിപ്പിച്ചത്..... ഇനി അടുത്ത ദിവസങ്ങളില്‍ വേറൊരു വിഷയമാകം..... എല്ലാവര്‍ക്കും എന്‍റെ സ്നേഹാന്വേഷണങ്ങള്‍....


5 comments:

  1. This comment has been removed by the author.

    ReplyDelete
  2. "I bow down to Lord Narasimha who is ferocious and heroic like Lord Vishnu.
    He is burning from every side. He is terrific, auspicious and
    the death of death personified."

    ReplyDelete
  3. what happened jyothiraj....?
    ingane oru kadum kai cheyyan....?

    ReplyDelete
  4. i want to stay with you at kasargod and enjoy that place for few days in July.Is it possible?

    Roy.P.P
    9349256647

    ReplyDelete