Thursday, September 16, 2010

പറന്നകന്ന സ്വര്‍ണ്ണ ഗായിക

സുവര്‍ണ്ണ ശബ്ദം കൊണ്ട് നിരവധി പാട്ടുകള്‍ അനശ്വരമാക്കിയ ആ സ്വര്‍ണ്ണ ഗായികയും ഈ ലോകത്തോട്‌ വിട പറഞ്ഞു. ഞങ്ങളുടെ കൌമാര കാലത്ത് എല്ലായിടത്തും അലയടിച്ചിരുന്നു ആ ശബ്ദം. എ. ആര്‍. റഹ്മാന്‍ തരംഗം അലയടിച്ചു തുടങ്ങിയ തൊണ്ണൂറിന്റെ ആദ്യ പകുതികളില്‍ പെട്ടെന്ന് തിരിച്ചറിയാമായിരുന്നു വ്യത്യസ്തതയുള്ള ആ ശബ്ദം. റഹ്മാന്റെ സംഗീതം ജനഹൃടയങ്ങളിലേക്ക് എത്തിയിരുന്നത് തന്നെ സ്വര്‍ണലതയെപ്പോലുള്ള ഗായികമാരിലൂടെയയായിരുന്നു. മനോയും സ്വര്‍ണലതയും ചേര്‍ന്നുള്ള പാട്ടുകള്‍ ഞങ്ങളുടെ ഹരമായിരുന്നു. കോളേജ് കാലത്തെ വിസ്മരിക്കാനാകാത്ത പാട്ടുകളില്‍ പലതിനും സ്വര്‍ണലതയുടെ ശബ്ദമായിരുന്നു. അതുകൊണ്ട് തന്നെ ആ ഗാനങ്ങളും ആ സുവര്‍ണ ശബ്ദവും മനസ്സിലെന്നും നിലനില്‍ക്കും.......

No comments:

Post a Comment