Tuesday, November 30, 2010

ചില "റോയല്‍" തമാശകള്‍

ചോദ്യം : സുഖിയന്‍ ഉണ്ടാക്കുന്നത്‌ എങ്ങിനെ....?
ഉത്തരം : ആദ്യം ഒരു സുഖിയന്‍ എടുത്തു അടുപ്പത് വെച്ചിരിക്കുന്ന തിളയ്ക്കുന്ന എണ്ണയില്‍ ഇടുക. ഒരു പത്തു മിനിറ്റ് കഴിയുമ്പോള്‍ നല്ല ഉഗ്രന്‍ സുഖിയന്‍ റെഡി.


ചോദ്യം : സാധാരണയായി കണ്ടു വരുന്ന ഒരു രക്ത ഗ്രൂപ്പ്‌...?
ഉത്തരം : ഫോര്‍


ചോദ്യം : ഈയിടെയായി ജനിക്കുന്ന കുട്ടികള്‍ക്ക് കണ്ടുവരുന്ന ഒരു പ്രധാന രോഗം...?
ഉത്തരം : കുട്ടികള്‍ വളരെ ചെറുതായി കാണപ്പെടുന്നു.


ചോദ്യം : ഒരു ടി വി സ്ടാന്റിന്റെ തൂക്കം എങ്ങിനെ നോക്കാം....?
ഉത്തരം : രണ്ടു പേര്‍ ചേര്‍ന്ന് ഒരു ടി വി സ്ടാന്റ്റ് പൊക്കി നോക്കുക. അപ്പോള്‍ നമുക്ക് സ്ടാന്റിന്റെ ഏകദേശ തൂക്കം മനസ്സിലാകും. എന്നിട്ട് രണ്ടു പേരും പകുതി തൂക്കം മാത്രം പറയുക.


ചോദ്യം : വെള്ളരി പ്രാവുകള്‍ എന്നാല്‍ എന്ത്....?
ഉത്തരം : വെള്ള അരി മാത്രം തിന്നുന്ന പ്രാവുകളെയാണ് സാധാരണ വെള്ളരി പ്രാവുകള്‍ എന്ന് പറയുന്നത്.