Monday, May 16, 2011

ഭ്രാന്ത്...

വ്രണങ്ങളില്‍ വീണ്ടും രക്തം മോഹിക്കുന്നവര്‍ക്കിടയില്‍...
കൂര്‍ത്ത നഖങ്ങളെ ഓര്‍ത്തു നമ്മള്‍ ചിന്തിച്ചു...
എന്റെ ചങ്ക് തുറന്നു കാണിച്ചെങ്കില്‍...!
പിന്തിരിപ്പിച്ചത്...
കാലനെ പേറുന്ന മഹിഷികളാകാം...
അല്ലെങ്കില്‍...
യക്ഷികളുറങ്ങുന്ന കറുത്ത കരിമ്പനകളാകാം...
ഒടുവില്‍...
കാത്തിരുന്നു മടുത്തപ്പോള്‍ നീ തന്നെ എന്റെ ചങ്ക് പറിച്ചെടുത്തു... 
അതില്‍...
നീ കരുതിയ ചെമ്പരത്തിപ്പൂവായിരുന്നില്ല...
പകരം...
ചോര ഇറ്റു വീഴുന്ന എന്റെ കുഞ്ഞു ജീവനായിരുന്നു...

Tuesday, May 10, 2011

സുനാമി...

കരഞ്ഞു കലങ്ങിയ കണ്ണുകളുമായി അവള്‍ എന്നോട് ചോദിച്ചു....
"എനിക്ക് സ്വപ്നങ്ങളുടെ ഒരു വള്ളം പണിതു തരുമോ...? എന്റെ കണ്ണീര്‍ കടലില്‍ തുഴഞ്ഞു നടക്കുവാന്‍...?
ഞാന്‍ നിശബ്ദനായി ഇരുന്നു...
എനിക്കറിയാമായിരുന്നു..,
കടലിന്റെ രൌദ്രതയില്‍ ആ തോണി തകര്‍ന്നു പോകുമെന്ന്....!